Vadim Lyubushin

Vadim Lyubushin

Shaxsiy maʼlumot
Toʻliq ismi	Vadim Valeryevich Lyubushin
Tavallud sanasi	28-iyun 1967-yil (1967-06-28)
Tavallud joyi	Toshkent, Oʻzbekiston SSR, USSR
Ampluasi	Yarim himoyachi
Professional faoliyati*
Yillar	Jamoa	Isht.	(Gol.)
1985	Xiva	6	(0)
1986—1987	Zvezda	-	(-)
1988—1989	Selmashevets	16	(1)
1989	Sohibkor	17	(0)
1990	Chirchiq	35	(2)
1992	Kosonsoy	27	(2)
1993	Soʻgʻdiyona	11	(3)
1996	Dinamo-Nasaf	-	(-)
1997	Xorazm	9	(0)
*Professional klublardagi gollari (ichki chempionat)

Vadim Valeryevich Lyubushin (1967-yil 28-iyunda tugʻilgan) – sovet va oʻzbekistonlik sobiq professional futbolchi, yarim himoyachi ampulasida oʻynagan.

Futbolchilik faoliyati

Vadim Lyubushin 1967-yil 28-iyunda Toshkent shahrida tugʻilgan. Toshkent „Mehnat zaxiralari“ yoshlar sport maktabida futbol bilan shugʻullangan.

Faoliyati davomida u turli ampulalarda oʻynagan. 1985-yilda „Xiva“ tarkibida ikkinchi ligada debyut qilgan. Keyinchalik u Estoniya SSR chempionatida eng kuchli jamoalardan biri – Tallinning „Zvezda“ tarkibida (1986—1987) oʻynagan. 1986-yilda Estoniya SSR terma jamoasi tarkibida SSSR xalqlarining yozgi Spartakiadasining futbol turnirida ishtirok etgan.

1988-yilda Oʻzbekistonga qaytib, ikkinchi ligada Chirchiqning „Selmashevets“/"CHirchiq" (1989—1990) va Xalqobodning „Sohibkor“ (1989) jamoalarida toʻrt mavsum davomida 68 ta oʻyinda maydonga tushib, 3 ta gol urgan.

Oʻzbekiston mustaqillikka erishgach, Kosonsoyning „Kosonsoychi“ (1992), Jizzaxning „Soʻgʻdiyona“ (1993), Toshkentning MHSK (1993), Qarshining „Dinamo-Nasaf“ (1996), „Xorazm“ jamoalari safida mamlakat chempionati oliy ligasida oʻynagan. Vadim Oʻzbekiston Oliy ligasida 53 ta oʻyin oʻtkazib, 5 ta gol urgan. 1997-yilda futbolchilik faoliyatini yakunlagan.

Oila

Vadim Lyubushinning otasi Valeriy Lyubushin (1940—2011)-Toshkentning „Paxtakor“ klubida oʻynagan sovet futbolchisi, sport ustasi. Keyinchalik Oʻzbekiston jamoalarida murabbiy va bosh murabbiy boʻlib ishlagan.

Havolalar

• Vadim Lyubushin Footballfactsru saytida